புண்கள் விரைவில் குணமாக
அழுகலகற்றி(Antiseptics)
உடற்கட்டுகளையும் மற்றைய பொருட்களையும் அழுகவிடாமல் தடுக்கின்ற பொருட்கள் இதுவாகும்.
Substances which destroy or inhibit the growth of micro – organisms in the living tissues.
🪴முக்கிய மூலிகைகள்🪴
🔷வேம்பு
🔷மாசிப்பத்திரி
🔷சந்தனம்
🔷மஞ்சள்
🔷சாம்பிராணி
🔷சித்திரப்பாலாவி
🔷புகையிலை
🔷அரிவாள் மூக்குப்பச்சிலை
🔷ஊமத்தை
🔷புங்கு
🔷வெற்றிலை
உபயோகிக்கும் முறைகள்
🪴வேம்பு🪴
வேப்பிலையை நீர் விட்டரைத்துப் போட நாட்பட்ட புண்கள் , மற்றும் தோலைப் பற்றிய விரணங்கள் குணமடையும். இத்துடன் சிறிது மஞ்சளும் சேர்த்து அரைக்கலாம்.
🪴சந்தனம்🪴
முகப்பருவுக்கு சந்தனத்தைப் பசும்பால் விட்டு அரைத்து போடலாம்.
260 மி . லி . வெந்நீரில் 8 கிராம் சந்தனத் துளைப் போட்டு ஒரு மணி நேரம் ஊறியபின் , வடிகட்டி எடுத்து 15 – 30 மி . லி . வீதம் கொடுக்க , சரும ரோகங்கள் , தேக எரிவு ஆகியன நீங்கும்.
🪴சாம்பிராணி🪴
சாம்பிராணிப் பதங்கத்தை 100 மி . லி நீரில் கலந்து அதனால் புண்களைக் கழுவப்புண்கள் ஆறும்.
🪴புகையிலை🪴
புகையிலையை எடுத்து எரித்துச் சாம்பலாக்கி அச்சாம்பலை வெண்ணெயுடன் கலந்து புண்கள் மீது பூச , புண்கள் ஆறும்.
🪴புங்கு🪴
இதனுடைய வேரை எடுத்துக் கழுவிச் சுத்தம் செய்து , பின் தோலைச் சீவிப் பிழிந்து அதன் பாலை எடுத்துச் சம அளவு தேங்காய்ப் பால் சேர்த்துக் மெல்லிய துணியில் நனைத்துக் கட்ட பிளவை , ஆறாத புண்கள் , மேகப் புண்கள் முதலியன ஆறும்.
🪴வெற்றிலை🪴
தீப்பட்ட புண்மீது வெற்றிலையை வைத்துக் கட்ட எளிதில் ஆறும்.
🪴மாசிப்பத்திரி ( மாசில் பச்சை )🪴
இதன் இலையை உயர்த்திப் பொடித்து புண்ணுக்கு போட ,புண் ஆறும்
🪴மஞ்சள்🪴
மஞ்சளைப் பொடித்து நீரில் கரைத்து துணியில் வடிகட்டி எடுத்து அதனால் புண்களைக் கழுவ , கிருமிகள் அகலும்.
🪴சித்திரப்பாலாவி🪴
இதன் பாலை எடுத்துப் புண்களுக்கும் , உதடு , நாக்கு வெடிப்புக்களுக்கும் தடவி வர புண் ஆறும்.நகச்சுற்றுக்கும் பூசலாம். கால் ஆணிக்கும் ( Corn ) போடலாம்.
🪴அரிவாள் மூக்குப்பச்சை🪴
வெட்டுக் காயங்கட்கு இந்த இலையை அரைத்துப் போட காயம் வெகு விரைவில் ஆறும்.
🪴ஊமத்தை🪴
இதன் இலையை வதக்கி கட்டிகளுக்கு ( Boil ) ஒற்றடம் போட , கட்டிகளில் ஏற்படும் வலி நீங்கும்.
